Yesterday i was in Quba, Azerbaijan and  visited mass grave. This grave  was  found  in april 2007 during the  construction process  near  the  river.  Archaeologists explored 500 m² or ground and found   that there were burried more than 700  bodies. They were killed  with a special violence.  On most of  skelets there are signs of  sharp tools.

Rüşvət alan binamus deyil rüşvət alandan rüşvət alan binamusdu ! !

Bu gün söhbət zamanı belə bir sual verildi ki, nəyə görə rüşvət verən şəxs onu yoxlamaq üçün gələn və ondan pul istəyən şəxsə alçaq, vicdansız, şərəfsiz və sairə yazmağı uyğun saymadığım söyüşlərə layiq görür. Nəticədə hər ikisi də rüşvət alır. Rüşvət almaq şərəfsizlikdirsə rüşvət alan da, rüşvət alandan rüşvət alan da vicdansızdır.

ardı....

KİV - haqqında yeni qanunda mənbə məsələsi

http://www.azadliq.org/content/Article/1506727.html

KİV haqqında yeni qanunun 19 və 60-cı mmaddələr mənbələrə aiddir.

Bu maddələrdə informasiya vasitələrindən öz mənbələrini açıqlamaq tələb olunur. “Etibarlı mənbələr”, “adını açıqlamaq istəməyən mənbəmiz” kimi sözlər işlədən orqandan məxfi saxladığı organın açıqlanması tələb olunur.
 Rəşid Hacılı: “KİV haqqında qanunda mənbənin hansı hallarda açıqlanmasının tələb edildiyi aydın şəkildə əks edilməyib. Qanuna görə, yalnız məhkəmənin tələbi olarsa, mətbu orqanı mənbəni açıqlamağa borcludur. Bundan istifadə edib müxalifət qəzetlərini, heç müxalifətə yaxın olmayan bir internet saytını da bağlamaq olar. Lap hakimiyyətə yaxın olan bir məmurun da evini yıxmaq olar. Məsələ ondadır ki, bu, qanunsuzluqlar üçün böyük imkan yaradan hüquqi dolaşıqlıqdır.”

Azər Əhmədov deyir ki, Azərbaycanda korrupsiya halları baş alıb gedir. Onun fikrincə, rəsmi mənbələrə çıxmaq KİV üçün problem olduğundan korrupsiyaya aid məlumatları dəqiqləşdirmək çox çətin olur. Nəticədə də onlar adının çəkilməsini istəməyən etibarlı, mötəbər mənbələrlə işləmək məcburiyyətində qalırlar:

- Bu dəyişiklik azad sözün boğulmasını, sıxılmasını leqallaşdırmağa yönəlib.
Deputat Zahid Oruc deyir ki, bu, mətbu orqanlarında böhtanın və yalan məlumatların qarşısını almağa yönəlib:

- Bir tərəfdən mətbuatda təhqir halları güclənib, başqa tərəfdən də reket jurnalistikası istila halını alıb. Bu, belə halların qarşısını almaq üçün düşünülüb və qəbul edilib.

Geniş düşündükdə bu qərarlar ümummilikdə normal sayıla bilər. Yalnız normal cəmiyyətlər üçün. Azərbaycan reallığı göstərir ki, qanunlar yalnız hökümətdəki məmurlara və onlara yaxın insanlara sərf elədikdə işləyir. Mənim fikrimcə maddələrdə sırf hakimiyyətə xidmət etmək üçün qəbul olunan maddələrdir. 

KIV haqqinda yeni qanunumuz

KİV haqqında qanun nəhayət ki dəyişdi. Media forum bu haqda xəbər verir:

http://mediaforum.az/articles.php?lang=az&page=00&ar.ticle_id=20090306071120291

Müzakirələrdə yalnız 18 teputat iştirak edib. Bu cür önəmli məsələdə 120 təbutatın bu qədər as qismi söz deməyə ehtiyac görüb. 

 Nəticədə 104 nəfər leyhinə 5 əleyhinə 1 bitərəf olmaqla qanun qəbul olunub.

Müzakirədə iştirak edən deputatların fikirləri: 

"Nizami Cəfərov deyib ki, Təcrübə göstərir ki, reket qəzetlər və sarı mətbuat orqanlarına əsasən ali təhsili olmayanlar başçılıq edir. Redaktor və ya baş redaktor funksiyasını yerinə yetirənlərin bəzilərinin bir dənə də olsun məqaləsi çıxmır”.

 Aqil Abbas dini qəzetlərin qadağan olunmasını təklif edib. Mətbuat Şurasının səlahiyyətlərinin artırılmasını istəyən deputat qeyd edib ki, qınamaqla heç kəsi yola gətirmək mümkün deyil, ona görə də cəza tədbirləri olmalıdır”. 

YAP-ÇI deputat Aydın Mirzəzadə qanuna mətbuat orqanlarının xaricdən qrant alınmasının qadağan edən maddə salınmasını təklif edib: “Maliyyə imkanı olmadığı halda qəzet necə fəaliyyət göstərə bilər? İki ayda bir qəzet buraxıb onu qoltuğuna vurub qapı-qapı gəzənləri mətbuat işçiləri adlandırmaq olarmı? Kim ki öz qəzetini adicə kuryer vasitəsilə 2-3 orqana göndərə bilmir, onun fəaliyyətinə ehtiyac yoxdur”.

Deputat İqbal Ağazadə mətbuatın fəaliyyətinə məhdudiyyətləri tələb edən həmkarlarını ittiham edib: “Qəzet sahibkarlığın bir formasıdır. Bu sahəyə heç bir qadağa qoyula bilməz. Biri neft satır, biri pul dəyişdirir, biri də informasiya satır”. 

Deputat “reket” jurnalistlərin arxasında məmurların dayandığını söyləyib: “Elə “jurnalist” var ki, 4 dəfə həbs olunub, barəsində 50 dəfə cinayət işi qaldırılıb, axtarışdadır, amma hər dəfə də həbsdən çıxarırlar. Kim çıxarır? Əlbəttə ki, onların arxasında dayananlar...”

Müsavat deputat qrupunun üzvü Pənah Hüseyn isə qeyd edib ki, indiyə qədər beynəlxalq təşkilatlar qarşısında Azərbaycanın üzünü ağardan “KİV haqqında” qanun bu dəyişikliklərdən sonra mürtəce sənədə çevriləcək. P.Hüseyn bəzi həmkarlarının fikirlərinin irtica xarakteri daşıdığını da deyib. 

Deputat Sabir Rüstəmxanlı bildirib ki, güzgünü sındırmaq əvəzinə, əyrini düzəltmək lazımdır: “Jurnalist korlanmış mənəviyyatdan niyə yazmamalıdır?”

MM sədri Oqtay Əsədov müxalifətçi deputatların “ictimai xadimlər tənqidə dözümlülük göstərməlidir” fikriylə razılaşıb. Bununla yanaşı, o qeyd edib ki, qanuna təklif olunan dəyişikliklər sarı mətbuatı sıradan çıxarmağa yönəlib: “Jurnalistlər öz yazılarında diqqətli olmalıdır. Hörmət qarşılıqlı olmalıdır. Ola bilər ki, bu qəzetlərin arxasında lazım olmayan adamlar dayanır”.

 Təsəvvur edək ki, jurnalistlərin xarici maaliyyəsi kəsildi. Məlum məsələdir ki, mətbuatımız özü özünü təmin edə bilmir. Xarici maaliyyəsi də kəsilsə yalnız bir qüvvədən asılı olacaq. Dövlətdən. Bu hal demokratiyanın yayılması, söz azadlığına nə qədər müsbət təsir edəcəyindən söz belə gedə bilməz.

Redaktorluqla bağlı məsələ də mənim üçün absurtdur. Guya bu rekert jurnalistlər bu qərardan sonra redaktorluğa öz əqidələrinə uyğun ali təhsilli birni gətirə bilməzlər ? deməli bu rekert jurnalistikasının aradan götürülməsi üçün həll ola bilməz.